Fabrisio Romano: Jordan Henderson \"Chelsi\" futbolchisi
Angliyalik tajribali yarimhimoyachi Jordan Henderson faoliyatini "Chelsi"da davom ettirishga yaqin turibdi. Mashhur insayder Fabrisio Romano ushbu transfer bo‘yicha "Here we go!" iborasini e’lon qilib, kelishuv yakunlanganini ma’lum qildi.
Ma’lumotlarga ko‘ra, 36 yoshli futbolchi "Brentford" bilan shartnomasini o‘zaro kelishuv asosida bekor qilgan va erkin agent sifatida "Chelsi" safiga qo‘shiladi. Henderson London klubi bilan 2028-yil yozigacha mo‘ljallangan ikki yillik shartnoma imzolashi kutilmoqda.
Yangi bosh murabbiy Xabi Alonso jamoaga tajribali va yetakchilik qila oladigan futbolchilarni jalb etishni istamoqda. Shu sababli Henderson transferi klubning yozgi ustuvor maqsadlaridan biri bo‘ldi.
Eslatib o‘tamiz, Henderson 2011–2023-yillar davomida "Liverpul" sharafini himoya qilib, klub sardori sifatida UEFA Chempionlar ligasi, Angliya Premyer ligasi va bir qator boshqa sovrinlarni qo‘lga kiritgan. Shundan so‘ng u "Al-Ittifoq", "Ayaks" va "Brentford" safida to‘p surdi.
