Fabio Kannavaro: «Jismoniy tayyorgarlik borasida yaxshi ish olib bordik»
O‘zbekiston milliy terma jamoasi bosh murabbiyi Fabio Kannavaro Niderlandiyaga qarshi kechgan o‘rtoqlik uchrashuvidagi (1:2) mag‘lubiyatdan so‘ng, jamoaning JCh-2026 ga ko‘rayotgan tayyorgarligi haqida o‘z fikrlari bilan o‘rtoqlashdi.
«Tayyorgarlik jarayonini bir oydan ham ko‘proq vaqt oldin boshlagan edik, legioner futbolchilarimiz esa safimizga biroz kechroq qo‘shilishdi. Shunga qaramay, jismoniy tayyorgarlik borasida yaxshi ish olib borganimizga ishonaman. Albatta, ayrim futbolchilar bilan bog‘liq hali hal etishimiz lozim bo‘lgan masalalar ham bor va biz ular ustida ishlashda davom etamiz», — deydi Kannavaro.
Ma’lumot uchun, har ikkala terma jamoa ham bo‘lajak Jahon chempionatida ishtirok etadi. Mundial guruh bosqichida Niderlandiya terma jamoasi Yaponiya, Tunis va Shvetsiya bilan kuch sinashsa, O‘zbekiston milliy terma jamoasi Portugaliya, Kolumbiya hamda Kongo DR terma jamoalariga qarshi maydonga tushadi.
