“Everton” 36 yoshli Kayl Uokerni o‘z safiga qo‘shmoqchi
“Everton” “Byornli”ning tajribali o‘ng qanot himoyachisi Kayl Uokerga qiziqish bildirmoqda. 36 yoshli futbolchi “Byornli” bilan Premyer-ligadan tushib ketganidan so‘ng yana Angliya yuqori divizioniga qaytishi mumkin.
The Sun ma’lumotiga ko‘ra, “Everton” bosh murabbiyi Devid Moyes yozgi transfer oynasi yopilishidan avval himoya chizig‘ini kuchaytirishni istamoqda va Uoker uning variantlaridan biri hisoblanadi. Tajribali himoyachining APLdagi katta tajribasi klub uchun muhim omil sifatida ko‘rilmoqda.
Uoker o‘tgan yozda “Manchester Siti”dan “Byornli”ga 5 million yevro evaziga o‘tgan edi. U o‘tgan mavsumda jamoa safida APLda 36 ta uchrashuvda maydonga tushgan, biroq klubni Chempionshipga tushib ketishdan saqlab qola olmagan.
“Byornli” quyi divizionga tushgani sabab Uokerni hozir nisbatan arzon narxda sotib olish imkoniyati mavjud. Transfermarkt futbolchining bozor qiymatini 1,5 million yevroga baholamoqda. Hozircha “Everton” tomonidan rasmiy transfer e’lon qilinmagan.
