Estevao «Chelsi» safida XXI asr rekordini oʻrnatdi
18 yoshli futbolchi «Kristal Pelas»ga qarshi bahsda bitta gol va bitta assist muallifiga aylandi.
FOTO: Getty Images
«Chelsi»ning qanot hujumchisi Estevao APL doirasida «Kristal Pelas»ga qarshi o‘yinning asosiy qahramonlaridan biriga aylandi.
Braziliyalik futbolchi ushbu uchrashuvda gol urib, yana bir golli uzatma muallifi bo‘ldi. Bellashuv «ko‘klar»ning 3:1 hisobidagi g‘alabasi bilan yakunlandi.
Uchrashuv vaqtida Estevao 18 yosh-u 276 kunlik edi. Bu natija uni «Chelsi» tarixida Angliya chempionati doirasidagi bitta o‘yinda ham gol urib, ham assist amalga oshirgan ikkinchi eng yosh futbolchiga aylantirdi, deya xabar bermoqda Opta.
Avvalroq bunday ko‘rsatkichga faqat Nil Shipperli yoshroq davrida erishgan. U 1993 yil aprel oyida «Uimbldon»ga qarshi bahsda gol va golli uzatma bilan ajralib chiqqan, o‘shanda futbolchi 18 yosh-u 164 kunlik edi.
Nasrullo Karimov
Jurnalist