Ertadan talabar o'rtasidagi turnir boshlanadi
O'zbekiston Professional futbol ligasi tomonidan har yili o'tkazilishi odat tusiga kirib borayotgan talabalar o'rtasidagi Coca-Cola Students Cup turniri ertadan start oladi.
Uchrashuvlar “Jar” stadioni yonida joylashgan maydonda bo'lib o'tishi rejalashtirilgan.
Coca-Cola Students Cup musobaqasi formati
Musobaqaning 1-bosqichi oldidan 73 ta univer bir savatga joylanadi. Ular orasidan eng omadli 13 tasi birdaniga keyingi imtiyozga ega bo‘ladi va 2-bosqichga yo‘l oladi (Rasm 1).
Qolgan 60 ta univer o‘zaro 30 ta juftlik hosil qiladi va g‘olib jamoalar 2-bosqichga yo‘l oladi (Rasm 2, 3, 4).
Mag‘lub bo‘lgan 30 ta jamoada 2-bosqichga chiqish imkoniyati saqlanib qoladi. Buning uchun ular 2 ta imkoniyatdan unumli foydalanishi kerak bo‘ladi.
1-imkoniyatda mag‘lub bo‘lgan 30 ta jamoa o‘zaro 15 ta juftlik hosil qiladi va penaltilar seriyasida o‘z omadini sinab ko‘radi. Mag‘lub bo‘lgan univer musobaqa bilan xayrlashadi (Rasm 5).
2-imkoniyatda 15 ta jamoaning ro‘yxatdan o‘tgan barcha 12 nafardan futbolchisi darvoza to‘sini yoki ustunini nishonga olishga urinadi. Yakunda eng yaxshi natija qayd etgan 3 ta jamoa 2-bosqich chiptasini qo‘lga kiritadi (Rasm 6).
Shu tariqa 2-bosqichga jami 46 ta jamoa yo‘l oladi:
• 13 ta imtiyozli univer;
• 30 ta g‘olib univer;
• 3 ta imkon topgan univer.
