Eron AQSh va Isroilning hujumlari tufayli mamlakat futbol infratuzilmasiga yetkazilgan zarar haqida FIFA'ga xabar berdi
Eron futbol federatsiyasi Xalqaro futbol federatsiyasi (FIFA)ga harbiy mojarolar natijasida mamlakatdagi sport infratuzilmasi, jumladan, futbol ob’yektlari vayron bo‘lgani haqida ma’lum qildi.
«Chuqur afsus va qayg‘u bilan ma’lum qilamizki, Eron Islom Respublikasining muqaddas tuproqlariga qilingan noqonuniy harbiy hujum natijasida Eron sport infratuzilmasiga, ayniqsa futbol ob’yektlariga jiddiy zarar yetkazildi», — deyiladi Eronning ISNA agentligi tomonidan keltirilgan FIFAga yo‘llangan maktub matnida.
Eslatib o‘tamiz, avvalroq Eronda mavjud geosiyosiy vaziyatni hisobga olgan holda, milliy terma jamoaning JCh-2026 dagi ishtirokidan voz kechish ehtimoli haqida bayonotlar berilgan edi. Shuningdek, AQSH prezidenti Donald Tramp ham Eron terma jamoasining ushbu turnirda ishtirok etishi maqsadga muvofiq emasligini ta’kidlagan edi.
