“Manchester Siti” hujumchisi Erling Holand jamoadoshi Jek Grilish Klublar o'rtasidagi Jahon chempionatida ishtirok etmasligi ma'lum bo'lgach, uni masxara qildi.
Holand ijtimoiy tarmoqqa samolyotda yonidagi bo'sh o'rindiq bilan tushgan suratini joylashtirib, quyidagicha izoh yozdi:
“Jek Grilish, qayerdasan?”.
Eslatib o'tamiz, avvalroq OAV'da Grilish “Manchester Siti”ni tark etishi mumkinligi haqida xabarlar tarqalgandi. Unga hozirda “Nyukasl” qiziqish bildirmoqda va uni ijaraga olmoqchi.
Ma'lumot uchun, “shaharliklar” klublar o'rtasidagi Jahon chempionati guruh bosqichida “Vidad”, “Al-Ayn” va “Yuventus” klublari bilan to'qnash keladi. Turnir 14-iyundan 13-iyulga qadar bo'lib o'tadi.
