Entoni Teylor Turkiyada yangi lavozimga tayinlandi
Endilikda tajribali angliyalik mutaxassis o‘z bilim va tajribasini Turkiya futbolidagi hakamlik tizimini takomillashtirishga yo‘naltiradi.
Foto: Getty Images
Angliyalik taniqli hakam Entoni Teylor futbolchilik emas, hakamlik faoliyatidan keyingi yangi ishini boshladi. 47 yoshli mutaxassis Turkiya Superligasida hakamlik masalalari bo‘yicha direktor lavozimiga tayinlandi.
Bu haqda Turkiya Futbol federatsiyasi huzuridagi Markaziy hakamlar kengashi rasman ma’lum qildi. Yangi lavozimda Teylor hakamlar tizimini rivojlantirish, strategik rejalarni ishlab chiqish hamda yangi avlod hakamlarini tayyorlash bilan shug‘ullanadi.
Entoni Teylor Angliya Premyer-ligasi uchrashuvlarini 16 yil davomida boshqargan. Avvalroq u 47 yoshida hakamlik faoliyatini yakunlashga qaror qilgani haqida xabar berilgan edi.
Nasrullo Karimov
Jurnalist