Emeri «Aston Villa»ni tark etishi mumkin
Unai 2022 yildan beri birmingemliklarni boshqarmoqda.
ФОТО: Getty images
“Aston Villa” bosh murabbiyi Unai Emerining klubni tark etish ehtimoli ortib bormoqda. Bu haqda Football Insider xabar berdi.
Manbaga ko‘ra, ispaniyalik mutaxassis klub tomonidan joriy etilayotgan moliyaviy cheklovlardan tobora ko‘proq norozi bo‘lib bormoqda.
Eslatma uchun, Emeri 2022 yilda jamoani qabul qilib olgandi. Shundan so‘ng jamoani evrokuboklar sari yetaklab bordi.
Ayni vaqtda birmingemliklar Angliya Premyer-ligasi turnir jadvalida 29 bahsdan so‘ng 51 ochko bilan to‘rtinchi o‘rinda boryapti.
12 mart kuni birmingemliklar Yevropa ligasi 1/8 finalining ilk bahsida Fransiyaning “Lill” klubiga qarshi maydonga tushadi. Bellashuv Toshkent vaqti bilan 22:45 da boshlanadi.
Roziqjon Sultonmurodov
Jurnalist