Elit OCHL. «Nasaf» turnirdagi ilk g‘alabasini tantana qildi, ammo yurishini guruh bosqichida yakunladi

Elit Osiyo Chempionlar ligasi 8-turida "Nasaf" BAAda "Sharja" mehmoni bo‘ldi va 2:1 hisobida g‘alaba qozondi.

30-daqiqada Zafarmurod Abdiraҳmatovning uzatmasidan so‘ng Bobir Abdixo‘liqov gol urdi.

80-daqiqada Kayo Lukas muvozanatni penaltidan urilgan gol evaziga tikladi. Ammo 87-daqiqada Diyorbek Abdunazarov qanotdan yorib kirib, o‘zining kuchli zarbasi bilan "ajdarlar"ga 3 ochko keltirgan g‘alaba golining muallifi bo‘ldi.

Shunday qilib, "Nasaf" 4 ochko bilan 11-o‘ringa ko‘tarildi. "Sharja" esa 8 ochko bilan 9-o‘rinni egalladi va umumiy bosqichdayoq ishtirokini yakunladi.

Elit OChL. 8-tur
Sharja - Nasaf - 1:2
Gollar: 30' 0:1 - B. Abdixo‘liqov (Z. Abdiraҳmatov), 80' 1:1 - Kayo Lukas (penaltidan), 87' 1:2 - D. Abdunazarov (S. Bahromov).

Roziqjon Sultonmurodov

Jurnalist

0 0 0 0 0 0