Elanga «Nyukasl» bilan kelishuvga erishdi
Photo: Getty Images
"Nottingem Forest" vingeri Entoni Elanga "Nyukasl"ga o'tadi. Bu haqda insayder Fabrizio Romano xabar berdi.
Manbaga ko'ra, "Nyukasl" "Nottingem Forest" bilan 23 yoshli shved futbolchisining bonus to'lovlari bilan birga 63,8 million yevroga transferi bo'yicha og'zaki kelishuvga erishgan.
Endilikda Elanga yangi jamoasi uchun tibbiy ko'rikdan o'tishi kerak.
O'tgan mavsum Elanga “o'rmonchilar” safida barcha 38 uchrashuvda qatnashib, 6 ta gol urdi va 11 ta golli uzatma muallifiga aylandi.
Roziqjon Sultonmurodov
Jurnalist