Ederson «MYU»ga oʻtish uchun barcha muzokaralarni toʻxtatdi

«Atalanta»ning braziliyalik yarimhimoyachisi Ederson ingliz klubi safiga oʻtish istagida oʻziga qiziqish bildirayotgan boshqa barcha jamoalar bilan muzokaralarni muzlatib qoʻydi. Bu haqda taniqli insayder Fabrisio Romano xabar bermoqda.

Manbaga koʻra, klublar ayni damda faol muzokaralar olib borishmoqda. «Qizil iblislar» ushbu transferni tezroq yakunlashni rejalashtirgan.

Maʼlumot uchun, 26 yoshli markaziy yarim himoyachi 2022 yilning yozidan buyon «Atalanta» safida toʻp surib keladi. Joriy mavsumda u barcha turnirlarda 41 ta oʻyinda maydonga tushib, 3 ta gol va 2 ta golli uzatmaga mualliflik qildi. Transfermarkt portali braziliyalik futbolchining narxini 40 million yevroga baholagan.

Nasrullo Karimov

Jurnalist