DXX kubogining Respublika bosqichiga qur’a tashlandi
Joriy yili oltinchi bor yurtimizning barcha tuman, shahar va viloyatlari kesimida yosh o‘g‘il-qizlar o‘rtasida futbol va mini-futbol bo‘yicha Davlat xavfsizlik xizmati kubogi musobaqasi o‘tkazilmoqda.
Qoraqalpog‘iston Respublikasi, viloyatlar va Toshkent shahrida o‘g‘il bolalar o‘rtasida futbol va mini-futbol, qizlar o‘rtasida esa mini-futbol bo‘yicha DXX kubogi musobaqalari uch bosqichda tashkil etilmoqda.
Bugun poytaxtimizda ishtirokchi jamoalar vakillari, tashkilotchilar hamda futbol mutasaddilari ishtirokida Respublika bosqichiga qur’a tashlash marosimi bo‘lib o‘tdi.
Qur’a natijalariga ko‘ra, jamoalar 17–22-avgust kunlari “Bunyodkor” akademiyasi maydonlarida o‘zaro bahs olib borishadi. Musobaqaning final uchrashuvi esa 22-avgust kuni “JAR” stadionida o‘tkaziladi.
