“DXX kubogi” musobaqalarining Toshkent viloyati final bosqichi bo‘lib o‘tdi
Toshkent viloyati Olmaliq shahrida O‘zbekiston Respublikasi Davlat xavfsizlik xizmati kubogi doirasidagi musobaqalarning viloyat final bosqichi bo'lib o'tdi.
Final bahslarida tuman va shaharlardan saralab olingan mahalla jamoalari ishtirok etib, g‘oliblik uchun kurash olib bordilar.
Musobaqalar davomida yoshlar o‘zlarining jismoniy tayyorgarligi, sport mahorati va jamoaviy hamjihatligini namoyon etdilar.
O‘g‘il bolalar jamoalari o‘rtasida:
1-o‘rin – Bo‘ka tumani, “Yangi hayot” MFY
2-o‘rin – Yangiyo‘l tumani, “Vatan” MFY
3-o‘rin – Oqqo‘rg‘on tumani, “Navbahor” MFY
Qizlar jamoalari o‘rtasida:
1-o‘rin – Yangiyo‘l tumani, 2-sektor
2-o‘rin – Chinoz tumani, 4-sektor
3-o‘rin – Yangiyo‘l shahri, “Fayzli” MFY
Musobaqa yakunida g‘olib va sovrindor jamoalar tashkilotchilar tomonidan diplom, medal hamda esdalik sovg‘alari bilan taqdirlandi.
Endi g'olib jamoalar musobaqalarning respublika bosqichida ishtirok etadilar.