Donnarummaning agenti: «Agar kelajakda A Seriyaga qaytish imkoniyati paydo boʻlsa, biz undan foydalanamiz»
«Manchester Siti» darvozaboni Janluiji Donnarummaning agenti Enso Rayola 26 yoshli futbolchi kelajakda imkoniyat tug‘ilsa, A Seriyaga qaytish variantini istisno qilmasligini ma’lum qildi.
«Bugungi kunda u “Manchester Siti”da o‘zini xotirjam his qilmoqda, unga bu loyiha juda yoqadi. U asta-sekin Angliya ligasini tushunib bormoqda.
Yaqinda u hazil tariqasida menga APLda besh yoki olti yil to‘p tepishini, bu haqiqiy sarguzasht bo‘lishini aytdi, ammo bu faqat hazil edi… Agar kelajakda Italiyaga qaytish imkoniyati paydo bo‘lsa, biz undan foydalanamiz», — deya Rayolaning so‘zlarini keltiradi Calciomercato.
Donnarumma «Manchester Siti» safiga o‘tgan yozda kelib qo‘shilgandi. Italiyalik darvozabonning klub bilan amaldagi shartnomasi 2030 yil yoziga qadar mo‘ljallangan.
