Donnarumma 2025 yilning eng yaxshi darvozaboni — FIFA
U 7 nafar darvozabonni ortda qoldirdi.
ФОТО: Getty images
"Manchester Siti" darvozaboni Janluiji Donnarumma FIFA talqiniga ko‘ra o‘tgan mavsumning eng yaxshi darvozaboni deb topildi.
Shu tariqa, italiyalik darvozabon eng yaxshi darvozabonga beriladigan The Best mukofotini qo‘lga kiritdi.
O‘tgan yili Italiya terma jamoasi posboni "PSJ" safida Chempionlar ligasi, Fransiya chempionati, mamlakat kubogi va Superkubogida g‘olib chiqdi.
Shuningdek, Alisson Bekker ("Liverpul" va Braziliya), Tibo Kurtua ("Real" va Belgiya), Emiliano Martines ("Aston Villa" va Argentina), Manuel Noyer ("Bavariya" va Germaniya), David Raya ("Arsenal" va Ispaniya), Yan Sommer ("Inter" va Shveysariya) ham sovringa da'vogarlik qilgandi.
Roziqjon Sultonmurodov
Jurnalist