Dmitriy An: «Yigitlar yomon ko‘rinishmadi»
O‘zbekiston terma jamoasi yarim himoyachisi Abbosbek Fayzullayevning birinchi murabbiyi Dmitriy An JCH-2026'dagi milliy jamoada bo‘layotgan muhit haqida o‘z fikrini bildirdi.
"Bu bizning terma jamoamizning jahon chempionatidagi debyuti. Yigitlar yomon ko‘rinishmadi. Ba’zi joylarda diqqatni jamlash yetishmadi. Hisob tenglashganda, yanada hushyor va intizomliroq o‘ynash kerak edi. Shunga qaramay, jamoa yomon ko‘rinmadi. O‘zbekiston terma jamoasining jahon chempionatidagi debyutidan juda xursandman va faxrlanaman.
Hozir Qirg‘izistonda bosh murabbiy bo‘lib ishlayapman. Shu yerda bo‘lsam-da, biz, albatta, O‘zbekiston terma jamoasining o‘yinini tomosha qildik. Shu bilan birga, O‘zbekistondagi tanish-bilish va yaqinlar muhit haqida gapirib berishmoqda. U yerda, haqiqatan ham, terma jamoaning debyut o‘yinini tomosha qilish uchun ish kunini boshqa kunga ko‘chirganlar, chunki Toshkent vaqti bilan u erta tongda, soat 7 da bo‘ldi.
Butun mamlakat bizning terma jamoamizga muxlislik qilmoqda va uni qo‘llab-quvvatlamoqda. O‘ylaymanki, yigitlar maydonga tushayotganlarida, Vatanimiz uchun kurashishga chiqqanlarida, buni albatta his qilishadi," — dedi An "Chempionat" muxbiri Yegor Kabak bilan suhbatda.
