Djekeresh Portugaliyaning o‘tgan mavsumdagi eng yaxshi futbolchisi
U o‘tgan mavsum Portugaliya chempionatida 33 o‘yinda 39 ta gol va 8 ta golli uzatma muallifi bo‘lgan.
ФОТО: Getty images
Portugaliya futbolida 2024/25 yilgi mavsum yakunlari bo‘yicha Liga Portugal Awards taqdirlash marosimi bo‘lib o‘tdi.
Lissabonning "Sporting" klubi hujumchisi Viktor Djekeresh mavsumning eng yaxshi futbolchisi deb topildi.
27 yoshli shved futbolchisi Portugaliya chempionatida 33 ta o‘yinda 39 ta gol va 8 ta golli uzatma muallifi bo‘lgan.
Eng yaxshi gol muallifi "Farense" futbolchisi Elvis Balde, mavsumning eng yaxshi yosh futbolchisi esa "Sporting" futbolchisi 18 yoshli Jeovani Kenda bo‘ldi. U Portugaliya chempionatida 34 ta o‘yinda maydonga tushib, 2 ta gol urdi va 5 ta golli uzatmani amalga oshirdi.
Roziqjon Sultonmurodov
Jurnalist