Diomand «PSJ» bilan shaxsiy shartnoma bo‘yicha kelishuvga erishdi — Romano
Yan Diomand "PSJ" bilan dastlabki kelishuvga erishdi. Bu haqda insayder Fabrizio Romano xabar bermoqda.
Manbaga ko‘ra, tomonlar besh yillik shartnomaning asosiy shartlari va futbolchining maoshi bo‘yicha kelishib oldi. Diomandning o‘zi ham faoliyatini aynan Parij klubida davom ettirishni istamoqda.
Endi "PSJ" rahbariyati va futbolchining vakillari uning transfer huquqiga egalik qiluvchi "Leyptsig" bilan rasmiy muzokaralarni boshlaydi.
Shuningdek, Diomand transferi Magnes Akliyush bo‘yicha ehtimoliy kelishuvdan alohida olib borilayotgani ta’kidlanmoqda. Biroq Parij klubi har ikki yo‘nalishda ham ish olib bormoqda.
2025/26 yilgi mavsumda Diomand "Leyptsig" safida 36 ta uchrashuvda maydonga tushib, 13 ta gol urdi va 9 ta golli uzatmani amalga oshirdi.
