«Dinamo» PFK Marko Stanoyevich bilan amaldagi kelishuv yakuniga yetgani bois xayrlashganini ma’lum qiladi
«Dinamo» PFK Marko Stanoyevich bilan amaldagi kelishuv yakuniga yetgani bois xayrlashganini ma’lum qiladi.
Serbiyalik 37 yoshli yarimhimoyachi 2025 yil boshida «Dinamo» bilan bir yillik shartnoma imzolagan edi va kelishuv yakuniga yetgach, tomonlar o‘zaro do‘stona xayrlashishdi.
"Marko Stanoyevich mavsum davomida o‘z o‘yinlari, katta tajribasi, insoniyligi va haqiqiy professionalligi bilan jamoamizning yutuqlariga salmoqli hissa qo‘shdi hamda samarqandlik muxlislar mehrini qozondi. U Superliga-2025da 28 o‘yinda maydonga tushib, 1563 daqiqa harakat qilib, 2ta golga mualliflik qildi. O‘zbekiston kubogida ham 4ta o‘yinda to‘p surdi. Bu orqali «Dinamo»ning kubokda yarimfinalgacha yetib borishiga va chempionatda eng yaxshi natijasini takrorlashiga yordam berdi.
«Dinamo» jamoasi Stanoyevichning keyingi faoliyatiga omad va zafarlar tilab qoladi. Hammasi uchun rahmat, Marko!",-deb yoziladi klub rasmiy sahifasida.
