«Dinamo» jamoasi uchun o‘yin qoidalariga kiritilgan o‘zgarishlar bo‘yicha seminar tashkil etildi
Superliga ikkinchi qismi startidan avval O‘zbekiston futbol hakamlari markazi tomonidan klublar uchun o‘yin qoidalariga kiritilgan o‘zgarishlar bo‘yicha seminar tashkil etilmoqda.
Xususan, bugun 14 iyul kuni “Dinamo” jamoasi a’zolari uchun klub qarorgohida O‘FHM mutaxassisi, taniqli nazoratchi Zokir Qodirov ishtirokida IFAB tomonidan futbol o‘yin qoidalariga kiritilgan so‘nggi o‘zgarishlar, ularning mazmun-mohiyati hamda amaliyotda qo‘llanish tartibi yuzasidan batafsil taqdimot o‘tkazildi.
Shuningdek, JCH-2026dagi videolavhalar orqali turli o‘yin vaziyatlari tahlil qilinib, yangi qoidalar asosida hakamlar tomonidan qabul qilinishi lozim bo‘lgan qarorlar yuzasidan amaliy misollar ko‘rsatildi. O‘z o‘rnida murabbiylar va futbolchilarni qiziqtirgan savollarga Zokir Qodirov tomonidan batafsil javob berildi.
