«Dinamo» jamoasi Superliga 13-turi doirasida «Surxon»ga qarshi maydonga tushadi
Bugun, 23 iyul kuni «Dinamo» jamoasi Superliga 13-turi doirasida «Surxon»ga qarshi maydonga tushadi.
«Dinamo» - «Mash’al» (3:1) o‘yinidan 80 kun o‘tib, «Dinamo» jamoasi Superliga doirasida Samarqandda muxlislari qarshisida yana maydonga tushadi. Termizda o‘tishi lozim bo‘lgan bahs maydon tayyor emasligi sabab Samarqandga ko‘chirildi.
Anvar G‘ofurov murabbiyligidagi «Surxon» so‘nggi turda – 18 iyul kuni Andijondan g‘alaba bilan qaytgan bo‘lsa, Vadim Abramov ustozligidagi «Dinamo» Navoiydan 3 ochko bilan qaytdi. Bu turda ham ikki tomon faqat g‘alabani ko‘zlab, turnir jadvalida ko‘tarilish imkoniyatiga ega.
Ustoz-shogird murabbiylar to‘qnashuvida Samarqand jamoasini qo‘llab-quvvatlash uchun «Dinamo» stadioniga taklif etamiz! Chipta narxi 25 ming so‘m. Ajoyib futbol atmosferasida ko‘hna shahar jamoasini qo‘llab-quvvatlang!
Superliga. 13-tur
23 iyul (payshanba)
«Surxon» - «Dinamo»
Samarqand, «Dinamo» stadioni.
O‘yin boshlanish vaqti: 20:00
TV-translyatsiya: Sport
