Diego Forlan Arauxoni qoʻllab-quvvatladi
Urugvay terma jamoasining sobiq hujumchisi, Diego Forlan himoyachi Ronald Arauxoning ruhiy salomatlik mavzusini ochiq muhokama qilganini qo‘llab-quvvatladi.
Forlanning ta’kidlashicha, professional futbolchilar ham oddiy insonlar kabi ruhiy bosimni boshdan kechiradi va bu haqda ochiq gapirishdan uyalmaslik kerak.
«Bunday mavzularni ko‘tarish juda muhim. Futbolchilar ham inson, ularda ham his-tuyg‘ular, bosim va qiyinchiliklar bo‘ladi. Ruhiy salomatlik haqida ochiq gapirish — zaiflik emas, aksincha, jasorat belgisidir», — dedi Forlan.
Avvalroq Arauxo professional futbol faoliyati davomida kuchli ruhiy bosimni boshdan kechirganini tan olib, bunday vaziyatlarda mutaxassis yordamiga murojaat qilish muhimligini ta’kidlagan edi. Forlan esa uning ushbu bayonoti jamiyatda ruhiy salomatlik masalasiga e’tiborni oshirishga xizmat qilishiga ishonch bildirdi.
