Di Mariya faoliyatidagi 37-sovrinni qoʻlga kiritdi
Argentina futbol federatsiyasi «Rosario»ni mamlakat chempioni deb eʼlon qildi.
FOTO: Getty Images
Mashhur argentinalik hujumchi Anxel Di Mariya o‘z yurtida yana bir sovrinni qo‘lga kiritdi.
Bugun Argentina futbol federatsiyasi «Rosario Sentral» klubini mamlakat chempioni deb e’lon qildi. Bunga jamoaning mavsumning ikki qismi bo‘yicha umumiy hisobda eng ko‘p ochko jamg‘argani sabab bo‘ldi.
Yillik eng yaxshi natija «Rosario Sentral»ga Libertadores Kubogiga yo‘llanma ham taqdim etdi.
Biroq ushbu qaror Argentinada bahs-munozaralarga sabab bo‘ldi. Chunki jamoalar chempion nomi e’lon qilingandan keyin ham o‘yinlarni davom ettirib, Apertura va Klausura g‘oliblarini hamda ikki divizionning eng kuchli jamoalari o‘rtasidagi «oltin o‘yin» g‘olibini aniqlashadi.
Maʼlumot uchun, bu sovrin Di Mariyaning faoliyatidagi 37-trofeyga aylandi.
Nasrullo Karimov
Jurnalist