Deko Alonsoning boʻshatilishi haqida: «Bu meni biroz hayratga soldi»

«Barselona» sport direktori Deko Xabi Alonso «Real» bosh murabbiyligi lavozimidan bo‘shatilganiga izoh berdi. Eslatib o‘tamiz, bu holat Madrid klubi Ispaniya Superkubogi finalida «Barselona»ga 2:3 hisobida mag‘lub bo‘lganidan so‘ng sodir bo‘ldi.

«Bu meni biroz hayratga soldi, chunki u juda qisqa vaqt ishladi», — deya Dekoning so‘zlarini keltiradi Marca.

Ispaniyalik mutaxassis jamoani 2025 yil yozidan buyon boshqarib kelayotgandi. «Real»ning yangi bosh murabbiyi etib madridliklarning sobiq futbolchisi Alvaro Arbeloa tayinlandi. Ispaniya chempionatida «Real» 19 o‘yindan so‘ng 45 ochko jamg‘arib, turnir jadvalida ikkinchi o‘rinni egallab turibdi. Chempionlar ligasida esa madridliklar 12 ochko bilan umumiy jadvalda yettinchi pog‘onada bormoqda.

Nasrullo Karimov

Jurnalist