Deklan Rays Chempionlar Ligasida haftaning eng yaxshi futbolchisi deb topildi
«Arsenal» klubi yarimhimoyachisi Deklan Rays Chempionlar Ligasida haftaning eng yaxshi futbolchisi deb e’tirof etildi. Bu haqda musobaqa matbuot xizmati xabar bermoqda.
Angliyalik futbolchi Madridning «Atletiko» klubiga qarshi kechgan yarim final javob bahsida to‘liq harakat qildi. Mazkur o‘yinda «kanonirlar» 1:0 hisobida g‘alaba qozonishdi. Rays ushbu bahsda samarali harakatlar (gol yoki assist) bilan ajralib turmagan bo‘lsa-da, maydonda katta hajmdagi ishni bajardi.
O‘tkazilgan so‘rovnomada «Arsenal» a’zosi PSJ himoyachisi Vilyam Pachoni ortda qoldirishga muvaffaq bo‘ldi. Ekvadorlik futbolchi «Bavariya»ga qarshi kechgan yarim final uchrashuvida (1:1) to‘liq o‘ynagan va natijaga bevosita ta’sir qiluvchi harakatlarni amalga oshirmagan edi.
Eslatib o‘tamiz, joriy yilgi turnirning final uchrashuvi Budapeshtdagi «Pushkash Arena» stadionida bo‘lib o‘tadi. Musobaqaning hal qiluvchi bahsi 2026 yil 30 mayga belgilangan.
