De Zerbi «Tottenhem» bilan kelishuvga erishdi — manba
Italiyalik mutaxassis Roberto De Zerbi Londonning «Tottenhem» klubi bosh murabbiyi lavozimiga tayinlanishi bo‘yicha kelishuvga erishildi. Bu haqda jurnalist Ben Jeykobs xabar bermoqda.
Ma’lum qilinishicha, mutaxassis bilan besh yillik shartnoma imzolanishi kutilmoqda.
Italiyalik murabbiy avvalroq Angliya Premyer-ligasida «Brayton» jamoasini boshqargan tajribaga ega. De Zerbining so‘nggi ish joyi Fransiyaning «Marsel» klubi bo‘lib, u jamoani 2026 yilning fevral oyida tark etgan edi. Shuningdek, u o‘z faoliyati davomida «Shaxtyor», «Sassuolo», «Benevento» va «Palermo» kabi jamoalarda ham ishlagan.
Eslatib o‘tamiz, 29 mart kuni «Tottenhem» joriy yilning 14 fevralida tayinlangan murabbiy Igor Tudorni iste’foga chiqargan edi. Tudor 2025/2026 yilgi mavsum davomida jamoani boshqargan uchinchi mutaxassisga aylandi. Avvalroq klub daniyalik Tomas Frank va avstraliyalik Angelos Postekoglu bilan ham xayrlashgan edi.
