De Xea: «Kerrik «MYU»da yuqori darajada ishlamoqda»
«Manchester Yunayted»ning sobiq darvozaboni, hozirda «Fiorentina» sharafini himoya qilayotgan David de Xea mankunianliklar bosh murabbiyi Maykl Kerrikning faoliyatiga baho berdi.
«Kerrik shunchaki aql bovar qilmaydigan darajada ishlamoqda. U ajoyib inson, futbolchilarni juda yaxshi tushunadi, u bilan muloqot qilish oson. Hozirda «Yunayted» ko‘plab o‘yinlarda g‘alaba qozonyapti va yaxshi o‘yin ko‘rsatmoqda. Umid qilamanki, ular Chempionlar Ligasiga yo‘llanma olishadi va rivojlanishda davom etishadi. Jamoani yana yuqori pog‘onalarda va sovrinlar uchun kurashda ko‘rishni istardim», — dedi de Xea TNT Sports nashriga bergan intervyusida.
Ayni damda «Manchester Yunayted» 55 ochko bilan Angliya Premyer-ligasi turnir jadvalida uchinchi o‘rinni egallab turibdi. Jamoa o‘zining navbatdagi uchrashuvini 13 aprel kuni «Lids Yunayted»ga qarshi o‘tkazadi.
