David Raya Chempionlar ligasi yarim finalida PSJga qarshi o‘yin haqida fikr bildirdi
“Arsenal” darvozaboni David Raya UEFA Chempionlar ligasi yarim finalining ilk uchrashuvida “Pari Sen-Jermen”ga qarshi (0:1) kechgan bellashuv haqida fikr bildirdi.
“PSJ tez gol urdi. Birinchi 15 daqiqada to‘liq ustunlik ularning tomonida bo‘ldi. Keyin esa biz tashabbusni qo‘lga oldik, deb o‘ylayman. Bir nechta imkoniyatlarimiz bo‘ldi, lekin Donnarumma jamoasini qutqardi. 25-daqiqadan keyin biz har qanday raqibni yengishimiz mumkinligini ko‘rsatdik. Bu mavsumda ko‘p marta safarda g‘alaba qozonganmiz. Parijga ham aynan g‘alaba uchun yo‘l olamiz”, — dedi Raya UEFA rasmiy saytiga.
Eslatib o‘tamiz, uchrashuv 29 aprel kuni Londondagi “Emirates” stadionida bo‘lib o‘tdi. O‘yinga sloveniya hakami Slavko Vinchich xizmat ko‘rsatdi. Javob bahsi 7 may kuni Parijda bo‘lib o‘tadi.
