Darvin Nunyes Yevropaga qaytish arafasida
Urugvaylik hujumchiga Turkiyaning "Beşiktaş" klubi jiddiy qiziqish bildirmoqda.
ФОТО: Getty images
"Al-Hilol" hujumchisi Darvin Nunyes yana Yevropaga qaytishi mumkin.
Jurnalist Sasha Tavolierning X ijtimoiy tarmog‘ida ma’lum qilishicha, urugvaylik hujumchiga Turkiyaning "Beşiktaş" klubi jiddiy qiziqish bildirmoqda.
Manbaga ko‘ra, tomonlar 27 yoshli futbolchini 2026/2027 yilgi mavsum oxirigacha ijara asosida o‘tkazish bo‘yicha kelishuvga yaqin turibdi.
Ma’lumot uchun, "Al-Hilol" Darvin Nunyesni 2025 yil yozida "Liverpul"dan 53 million yevro evaziga sotib olgan edi.
Hujumchi Saudiya chempionatining o‘tgan mavsum birinchi qismida 16 ta uchrashuvda maydonga tushib, 6 ta gol va 4 ta golli uzatma qayd etgan. Qishki transfer oynasida esa jamoada legionerlar soni ortiqcha bo‘lgani sababli uning nomi qaydnomadan chiqarilgan.
Roziqjon Sultonmurodov
Jurnalist