Darvin Nunes APLga qaytish uchun maoshini kamaytirishga qarshi emas
"Chelsi" unga jiddiy qiziqmoqda.
ФОТО: Getty images
«Al Hilol» hujumchisi Darvin Nunes yozgi transfer oynasida Angliyaga qaytishi mumkin.
Transfer News Live jurnalisti Mark Brus ma'lumotiga tayanib xabar berilishicha, Londondagi «Chelsi» klubi 26 yoshli uruguaylik forvardga jiddiy qiziqmoqda.
Biroq hujumchining Angliya Premyer-ligasiga qaytishi uchun u maoshini sezilarli darajada kamaytirishiga to'g'ri keladi. Nunes yana APLda o'ynash uchun yuqori maoshidan voz kechishga tayyor.
Тransfermarkt portali futbolchining transfer qiymatini 35 million yevro deb baholamoqda.
Nunes ilgari «Liverpul» safida APLda 95 ta bahsda maydonga tushib, 25 ta gol urgan va 16 ta golli uzatma amalga oshirgan.
Roziqjon Sultonmurodov
Jurnalist