Daniel Levi 25 yillik faoliyatdan so‘ng «Tottenxem»ni tark etdi
ФОТО: Getty images
Daniel Levi "Tottenxem" boshqaruv raisi lavozimini deyarli 25 yillik faoliyatdan so‘ng tark etdi. Bu haqda klub rasmiy sayti xabar berdi.
Endilikda uning o‘rnini Vinay Venkatesham egallaydi. U bosh ijrochi direktor etib tayinlandi, Tomas Frank erkaklar jamoasining yangi bosh murabbiyi, Martin Xo esa ayollar jamoasining bosh murabbiyi bo‘ldi. Piter Charrington esa direktorlar kengashiga qo‘shildi va endi u boshqaruv raisi lavozimini egallaydi.
"Bularning barchasi klubning uzoq muddatli sport yutuqlariga tayyorgarlik ko‘rish borasidagi maqsadlarning bir qismi hisoblanadi", — deyiladi "Tottenxem" bayonotida.
