Dana Uayt shu hafta Oq uyda tashkil etiladigan turnirning toʻliq kardini eʼlon qiladi
UFC rahbari Dana Uayt joriy yilning 14 iyun kuni Oq uyda bo‘lib o‘tishi kutilayotgan tarixiy turnir tafsilotlarini shu haftada e’lon qilishini tasdiqladi.
AQSh prezidenti qarorgohi hududida musobaqa o‘tkazish rejalari haqida avvalroq ma’lum qilingan edi. Insayderlarning so‘zlariga ko‘ra, mazkur tadbirni tashkil etish uchun promoushen 60 million dollardan ortiq mablag‘ sarflashi mumkin, biroq bu omil tashkilotning maqsadiga to‘sqinlik qilayotgani yo‘q.
«Sizlar uchun qo‘shimcha ma’lumotlar taqdim etiladi. Aslida, men aynan shu haftada Oq uydagi jang haqida e’lon qilishim kerak. Haftalik rejamizdan ushbu anons o‘rin olgan», — deya ta’kidladi Dana Uayt.
Turnir translyatsiyasi Paramount+ platformasi orqali amalga oshiriladi, shuningdek, shouning bir qismi CBS telekanalida namoyish etilishi kutilmoqda. Taxminlarga ko‘ra, janglar kardi olti yoki yetti uchrashuvdan iborat bo‘ladi.
