Chiro Immobile murabbiylik faoliyatini boshlash niyatida
Professional futbolchilik faoliyatini yakunlagan italiyalik hujumchi Chiro Immobile kelajakda murabbiy bo‘lish niyatida ekanini ma’lum qildi. 36 yoshli sobiq futbolchi endi vaqtini oilasiga ko‘proq ajratish bilan birga, murabbiylik sohasini o‘rganishni boshlamoqchi.
Immobile faoliyatini yakunlash qarorini jismoniy holati bilan izohladi. Uning aytishicha, yuqori darajada doimiy o‘ynash tobora qiyinlashgan va tanasi unga faoliyatni tugatish vaqti kelganini ko‘rsatgan.
“Men har doim o‘zimga nisbatan halol bo‘lganman. Tanam endi avvalgidek davom eta olmasligini ko‘rsatgan zahoti faoliyatimni yakunlashimni bilardim. Hozir oilam bilan ko‘proq vaqt o‘tkazish va murabbiylikni o‘rganishni boshlash imkoniyatiga egaman”, — dedi Immobile.
Ma’lumot uchun, Chiro Immobile faoliyati davomida Italiya A Seriyasining to‘rt karra eng yaxshi to‘purari bo‘lgan. Endilikda u futbolchilikdan keyingi faoliyatini murabbiylik bilan bog‘lashni rejalashtirmoqda.
