Chempionlar Ligasining pley-off va final bosqichida foydalaniladigan rasmiy toʻpi taqdim etildi
Yevropa futbol assotsiatsiyalari ittifoqi (UEFA) matbuot xizmati Chempionlar Ligasining pley-off va final uchrashuvlarida foydalaniladigan rasmiy to‘pni namoyish etdi. Musobaqaning hal qiluvchi bahsi Budapeshtdagi «Pushkash Arena» stadionida bo‘lib o‘tadi.
Turnirning final o‘yini 2026 yil 30 may sanasiga belgilangan. Musobaqa to‘pi an’anaga ko‘ra Adidas kompaniyasi tomonidan ishlab chiqildi.
Eslatib o‘tamiz, UEFA Chempionlar Ligasining amaldagi g‘olibi Fransiyaning «PSJ» klubi hisoblanadi. O‘tgan mavsum finalida parijliklar Milanning «Inter» jamoasini 5:0 hisobida tor-mor etib, o‘z tarixlarida ilk bor ushbu nufuzli sovringa ega chiqqan edilar.
Ma’lumot uchun, joriy mavsumdagi Chempionlar ligasining pley-off bosqichi fevral oyi oxirida start oladi.
