«Chelsi» XXI asrda ilk bor ketma-ket toʻrtta oʻyinda gol ura olmasdan magʻlub boʻldi

«Chelsi» Angliya Premyer-ligasining 33-turi doirasida kechgan bahsda «Manchester Yunayted»ga 0:1 hisobida imkoniyatni boy berdi. Shu tariqa, londonliklar so‘nggi 28 yildan ortiq vaqt ichida ilk bor chempionatda ketma-ket to‘rtta o‘yinda gol ura olmasdan mag‘lubiyatga uchrashdi.

Liam Rosinyor jamoasining ushbu omadsiz seriyasi 30-turda «Nyukasl»ga qarshi o‘yinda (0:1) boshlangan edi. Shundan so‘ng «ko‘klar» «Everton» (0:3), «Manchester Siti» (0:3) va «qizil iblislar»ga mag‘lub bo‘lishdi.

Navbatdagi turda, 21 aprel kuni «Chelsi» safarda «Brayton» mehmoni bo‘ladi. Ayni damda «Chelsi» 48 ochko bilan Angliya oliy divizioni turnir jadvalida oltinchi o‘rinni egallab turibdi.

Nasrullo Karimov

Jurnalist

0 0 0 0 0 0