«Chelsi» XXI asrda birinchi bor APLda uchta oʻyinda bironta ham gol urolmay magʻlub boʻldi
«Chelsi» Angliya Premyer-ligasining 32-turi doirasidagi bahsda «Manchester Siti»ga imkoniyatni boy berdi (0:3). Shu tariqa, «ko‘klar» 1998 yildan buyon ilk bor APLda ketma-ket uchta o‘yinda gol ura olmay mag‘lubiyatga uchrashdi. Bu haqda Squawka nashri xabar bermoqda.
Liam Rosenyor shogirdlari ushbu muvaffaqiyatsiz seriya davomida «Nyukasl» (0:1), «Everton» (0:3) va «shaharliklar»ga imkoniyatni boy berishdi.
Ma’lumot uchun, 1997/1998 yilgi mavsumda londonliklar APLda ketma-ket to‘rt marta raqib darvozasiga yo‘l topa olmay yutqazgan edi — o‘shanda mag‘lubiyatlar «Arsenal» (0:2), «Lester Siti» (0:2), «Manchester Yunayted» (0:1) va «Aston Villa» (0:1) bilan o‘yinlarda qayd etilgan. O‘sha mavsum yakuniga ko‘ra «Chelsi» to‘rtinchi o‘rinni egallagan edi.
Ayni damda «Chelsi» 48 ochko bilan APL turnir jadvalida oltinchi pog‘onani egallab turibdi. 33-turda jamoani 18 aprel kuni «Manchester Yunayted»ga qarshi uchrashuv kutmoqda.
