«Chelsi» Morgan Rojers transferi bo‘yicha «Aston Villa» bilan og‘zaki kelishuvga erishdi
Trasnfermarkt portali 22 yoshli ingliz futbolchisining transfer qiymatini 90 million yevro deb baholamoqda.
photo: gettyimages
«Chelsi» Morgan Rojers transferi bo‘yicha «Aston Villa» bilan og‘zaki kelishuvga erishdi. Bu haqda jurnalist va taniqli insayder Fabritsio Romano xabar berdi.
Manbalarga ko‘ra, Birminghem klubi londonliklarning 117 million funt sterling (taxminan 137 million yevro) miqdoridagi taklifini qabul qilgan.
Aytilishicha, Rojers «Chelsi» bilan 6 yillik shartnoma imzolaydi. Bitimda yana bir mavsumga uzaytirish bandi ham mavjud. Yarimhimoyachi dushanba kuni tibbiy ko‘rikdan o‘tadi.
2025/26 yilgi mavsumda Rojers «Aston Villa» safida barcha musobaqalarda 55 ta bahsda maydonga tushib, 14 ta gol va 12 ta assist qayd etdi.
Eslatib o‘tamiz, Trasnfermarkt portali 22 yoshli ingliz futbolchisining transfer qiymatini 90 million yevro deb baholamoqda.
Ibrohim Jalolov
Redaktor
