«Chelsi» Mareskaning ketishi uchun 17 million funt tovon puli oladi
“Manchester Siti” Enzo bilan 2029 yilgacha amal qiladigan shartnoma imzolaganini rasmiy e’lon qildi.
ФОТО: Getty images
“Chelsi” Enzo Mareskaning “Manchester Siti” bosh murabbiyi etib tayinlanishi ortidan 17 million funt sterling miqdorida kompensatsiya oladi. Bu haqda insayder Fabrizio Romano xabar berdi.
Avvalroq “Chelsi” rasmiy bayonot berib, Mareskaning 2026 yil yanvarida shartnomasini bekor qilishi munosabati bilan “Manchester Siti” hamda murabbiyning o‘zi bilan maxfiy kompensatsiya kelishuviga erishilganini ma’lum qilgan edi.
Eslatib o‘tamiz, “Manchester Siti” Enzo Mareska bilan 2029 yilgacha amal qiladigan shartnoma imzolaganini rasmiy e’lon qildi. Italiyalik mutaxassis ushbu lavozimda Xosep Gvardiolaning o‘rnini egalladi.
Roziqjon Sultonmurodov
Jurnalist