Chelsi Mareskani istefoga chiqardi
London klubi joriy mavsum APL doirasida 19 o‘yindan keyin 30 ochko jamg‘argan va turnir jadvalida 5-o‘rinda bormoqda.
photo: gettyimages
«Chelsi» matbuot xizmati bosh murabbiy Enso Mareskaning iste’fosi rasman e’lon qildi. Italiyalik mutaxassis 2024 yil yozidan beri londonliklarni boshqarib kelayotgan edi. U bunga qadar «Parma» va «Lester» jamoalarida faoliyat yuritgan.
«Jamoa hali ham bir nechta musobaqalarda muhim maqsadlarga ega. Shu bois murabbiy almashinuvi mavsumni to‘g‘ri yo‘lga qaytarish uchun eng yaxshi imkon beradi, deb hisoblaymiz. Enso qilgan ishlar uchun minnatdormiz va unga kelajakdagi faoliyatida omad tilaymiz», — deyiladi klub bayonotida.
London klubi joriy mavsum APL doirasida 19 o‘yindan keyin 30 ochko jamg‘argan va turnir jadvalida 5-o‘rinda bormoqda. «Chelsi» hozirda peshqadam «Arsenal»dan 15 ochkoga ortda qolmoqda.
Ibrohim Jalolov
Redaktor
