\"Chelsi\" klubi \"Nyukasl\"ning 25 yoshli yarim himoyachisi Sandro Tonali xizmatiga qiziqish bildirmoqda
"Chelsi" klubi "Nyukasl"ning 25 yoshli yarim himoyachisi Sandro Tonali xizmatiga qiziqish bildirmoqda. London klubi Angliya chempionati darajasida sinalgan yarim himoyachilar bozorini tahlil qilmoqda. Bu haqda Football Insider nashri xabar bermoqda.
Manbaga ko‘ra, "ko‘klar" Tonalini joriy qishda emas, balki kelasi yozda sotib olish variantini ko‘rib chiqmoqda.
Klub italiyalik futbolchini saqlab qolishga umid qilmoqda va u 10 oylik diskvalifikatsiyadan so‘ng uni qo‘llab-quvvatlagan klubga sodiqlik ko‘rsatishi kerak, deb hisoblamoqda.
Joriy mavsumda Tonali barcha musobaqalarda 24 ta o‘yinda maydonga tushib, 4 ta golli uzatmani amalga oshirdi. Futbolchining klub bilan amaldagi mehnat shartnomasi 2028 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining narxi 75 mln yevroni tashkil etadi.
