«Chelsi» Kamardani yana o‘z safiga qo‘shib olmoqchi

«Milan» hujumchisi Franchesko Kamarda yana «Chelsi» qiziqish doirasiga tushdi.

London klubi vakillari 18 yoshli futbolchining vaziyatini diqqat bilan kuzatmoqda. Kamarda joriy mavsumda yetarlicha o‘yin amaliyotiga ega bo‘la olmayapti. Bu haqda Transfer News Live TEAMtalk manbasiga tayanib xabar berdi.

«Milan» iqtidorli hujumchi bilan xayrlashishni rejalashtirmayapti. Kamardaga, shuningdek, «Manchester Siti», «Tottenhem», «Brayton» va «Brentford» klublari ham qiziqish bildirmoqda.

Transfermarkt eksperti Kamardaning transfer qiymatini 15 million yevroga baholamoqda. Italiyalik futbolchi joriy mavsumda maydonga bor-yo‘g‘i ikki marta tushgan va har ikki uchrashuvda ham bahs yakuniga yaqin vaqtda zaxiradan o‘yinga qo‘shilgan.

Roziqjon Sultonmurodov

Jurnalist

0 0 0 0 0 0