«Chelsi» bugun Mareskani ishdan boʻshatishi mumkin — manba
Londonning «Chelsi» klubi bosh murabbiy Enzo Mareska bilan xayrlashishga juda yaqin turibdi. Bu haqda The Guardian nashri jurnalisti Aleks Kruk xabar bermoqda.
Manbaga ko‘ra, murabbiy bugun — 1 yanvar kuni lavozimidan ozod etilishi mumkin.
Qayd etilishicha, Mareskaning klub rahbariyati bilan munosabatlari butunlay yomonlashib ketgan. Bunda jamoaning so‘nggi natijalari muhim rol o‘ynagan: «Chelsi» oxirgi 9 o‘yinda atigi 2 marta g‘alaba qozongan.
«Bornmut»ga qarshi kechgan uchrashuvdan (2:2) so‘ng Mareska matbuot anjumanida ishtirok etmadi. Rasmiy sabab sifatida kasallik ko‘rsatilgan bo‘lsa-da, aslida murabbiy klub ichidagi vaziyatdan norozi bo‘lgani uchun jurnalistlar oldiga chiqishni istamagan.
Angliya Premyer-ligasining 19 turidan so‘ng «Chelsi» 30 ochko bilan turnir jadvalida beshinchi o‘rinda bormoqda. Londonliklar peshqadam «Arsenal»dan 15 ochkoga ortda qolmoqda.
