\"Chelsea\" yozda 50 mln yevroga yarim himoyachi sotib olmoqchi. Asosiy nomzod bor
Photo: Getty Images
“Aston Villa” yarim himoyachisi Morgan Rodgers faoliyatini “Chelsea”da davom ettirishi mumkin. Bu haqida The Independent xabar berdi.
Manbaga ko'ra, London klubi 22 yoshli futbolchini yozda o'z safiga qo'shib olishni istaydi. Ammo “Aston Villa” ham Morgan'ni osonlikcha qo'yib yuborgisi yo'q. Jamoa tarkibdagi etakchi futbolchilarni saqlab qolishni istamoqda.
Joriy mavsum Morgan Rodgers “Aston Villa” safida barcha turnirlarda 50 ta o'yinda maydonga tushib, 14 ta gol urdi va 13 ta assist qayd etdi. Futbolchining transfer bahosi 50 million yevroni tashkil etadi.
