Chalhanog'lu jarohati sabab Ispaniyaga qarshi oʻyinni oʻtkazib yuboradi

JCH. Saralash. Yevropa

18.11.2025, Yak.

Ispaniya

2

Turkiya

2

Turkiya milliy jamoasi markaziy yarimhimoyachisi Hakan Chalhanog‘lu 2026 yilgi Jahon chempionati saralashining so‘nggi turida Ispaniyaga qarshi o‘yinda maydonga tusha olmaydi.

Hal qiluvchi uchrashuv 18 noyabr, seshanba kuni Sevilyadagi «Olimpiko de Sevilja — La Kartuxa» stadionida bo‘lib o‘tadi.

Turkiya milliy jamoasi matbuot xizmatining xabariga ko‘ra, Chalhanog‘lu Ispaniyaga qarshi o‘yin uchun qaydnoma ro‘yxatidan jarohat sabab chiqarib tashlangan. Ma’lum qilinishicha, u Bolgariya bilan o‘tgan bahsda (2:0) bilagidan jarohat olgan.

Maʼlumot uchun, saralashning tugashiga bir tur qolganida Turkiya 5 o‘yinda 12 ochko jamlab, «E» guruhida ikkinchi o‘rinda bormoqda. 15 ochkoga ega Ispaniya esa peshqadamlik qilmoqda.

Nasrullo Karimov

Jurnalist