CAFA Nations Cup. Final va 3-o‘rin uchun o‘yinlar qachon bo‘lib o‘tadi?
Фото: ЎФА
O‘zbekiston terma jamoasi Qirg‘iz Respublikasini yirik hisobda (4:0) mag‘lub etib, finalga yo‘l oldi.
Temur Kapadze murabbiyligidagi O‘zbekiston terma jamoasi CAFA Nations Cup-2025 A guruhida 7 ochko to‘plagan Ummonni to‘plar nisbatiga ko‘ra ortda qoldirdi va guruh peshqadami bo‘ldi.
Endi "oq bo‘rilar" final o‘yinida B guruhida 1-o‘rinni egallagan Eronga qarshi 8 sentyabr kuni Toshkentda kuch sinashadi. Bellashuv soat 19:30da “Olimpiya” o‘yingohida bo‘lib o‘tadi.
Shu kuni 3-o‘rin uchun bahsda Ummon Hindiston bilan Hisorda (Tojikiston) o‘ynaydi.
Roziqjon Sultonmurodov
Jurnalist