«Bunyodkor» yaponiyalik himoyachisi bilan shartnomani uzaytirdi

Toshkentning "Bunyodkor" klubi yangi mavsum uchun o‘z tarkibini shakllantirishda davom etmoqda.

"Qaldirg‘ochlar" matbuot xizmati xabariga ko‘ra, jamoaning yaponiyalik chap qanot himoyachisi Itsuki Urata 2 yillik yangi shartnomaga imzo chekdi. Endi 28 yoshli futbolchi 2027 yil yakunigacha toshkentliklar safida qoladi.

Uning maydondagi intizomi, tezkorligi va himoyadagi ishonchliligi jamoamiz uchun katta ahamiyat kasb etadi. Ushbu yangi shartnoma — futbolchiga bo‘lgan ishonchimizning yana bir tasdig‘i», — deyiladi xabarda.

Urata o‘tgan mavsumda jami 21 ta o‘yinda 2 ta gol urib, 2 ta golli uzatma amalga oshirdi.

Roziqjon Sultonmurodov

Jurnalist