Bunyodkor ayollar jamoasi taqdirlandi
Elmira Gulamova murabbiyligidagi ayollar jamoamiz yakunlangan mavsumda O‘zbekiston chempionatini 3-o‘rinda yakunladi.
"Oliy liga bahslarida 58 ochko jamg‘arib bronza medallarga ega chiqqan qizlarimiz uchun bugun o‘ziga xos tadbir tashkil qilindi. Tadbirda “Bunyodkor” futbol klubi Bosh direktori Murodjon Aliyev, “Bunyodkor” akademiyasi direktori Shavkat Saidov, texnik direktor Vitaliy Ni va albatta jamoa a’zolari ishtirok etdi.
Tadbirda qizlarimizning bu natijasini alohida e’tirof etildi. 2026 yilgi mavsumda natija yanada yaxshiroq bo‘lishi lozimligi, buning uchun rahbariyat tomonidan barcha sharoitlar yaratib berilishi ta’kidlandi. Yakunda qizlarimizga O‘zbekiston futbol assosiatsiyasi tomonidan ajratilgan medallar va esdalik sovg‘alari topshirildi",-deb yoziladi klub rasmiy sahifasida.
