Bundesliga. «Borussiya D» o‘z maydonida «Leypsig» bilan durang o‘ynadi

Germaniya chempionatining 6-tur uchrashuvlari davom ettirildi.

Dortmundning “Borussiya” klubi o‘z maydonida “Leypsig”ni qabul qildi. Yakunda tomonlar 1:1 hisobidagi durang natijasiga imzo chekdi.

Uchrashuvda hisob 7-daqiqada Kristof Baumgartner tomonidan ochildi. 23-daqiqada esa Yan Koutu muvozanatni tikladi.

Ushbu natijadan so‘ng “Borussiya D” o‘z ochkolari sonini 14 taga yetkazib, 2-o‘rinda bormoqda. “Leypsig” esa 13 ochko bilan 3-o‘rinda qoldi.

Bundesliga. 6-tur
"Borussiya D" — "Leypsig" 1:1
Gollar: Koutu (23) — Baumgartner (7).

Roziqjon Sultonmurodov

Jurnalist