Bundesliga. «Bavariya» mehmonda «Volfsburg»ni mag‘lub etdi

Germaniya Bundesligasining 33-turi doirasida «Volfsburg» hamda «Bavariya» jamoalari o‘rtasidagi uchrashuv yakunlandi. Volfsburgdagi «Folksvagen Arena» stadionida bo‘lib o‘tgan bahsda myunxenliklar 1:0 hisobidagi kichik g‘alabani qo‘lga kiritishdi.

Uchrashuvning 36-daqiqasida «Bavariya» hujumchisi Harri Keyn 11 metrlik jarima zarbasini aniq amalga oshira olmadi. O‘yinning 56-daqiqasiga kelib esa Maykl Olise tomonidan kiritilgan gol myunxenliklarga g‘alaba keltirdi.

Ushbu bahsdan so‘ng, muddatidan oldin chempionlikni naqd qilgan «Bavariya» 86 ochko bilan turnir jadvalida peshqadamlikni davom ettirmoqda. «Volfsburg» esa 26 ochko bilan Germaniya chempionati yuqori divizioni turnir jadvalida 16-pog‘onani egallab turibdi.

Nasrullo Karimov

Jurnalist